لو سمحتوا.. ماهي المساحه المناسبة للمدونة؟

اقتباس:

هي مساحة تخزين 2 جيغا مع باندويث مش اقل من 100 جيغا مع لوحة تحكم سي بانل مع الدومين بما يعادل (300-400) ريال بالسنة.

غالي جدا جدا مقارنة بالاستضافات الأجنبية .

الاستضافات الأجنبية تقدم خدمات / عروض ممتازة بأسعار مناسبة .

فعلاً أختي.. وبرضه فيه بعض الاستضافات العربية - مع أنها قلة - تقدم نفس العروض..
المشكلة عندنا في إمكانيات الشركات نفسها، وقوتها، ودرجة الأمان المصاحبة للمواقع اللي تستطيع أنها تستضيفها على سيرفراتها..
على سبيل المثال: أنا مستضيف المجلس عند بوابة العرب.. وبصراحة خدماتهم لا يعلى عليها، على كثر المشاكل اللي أسببها لهم.. إلا أنهم صابرين علي، ولا يتذمرون، ويعطوني الدعم الفني اللي احتاجها، ويسمحون لي أن أسألهم عن أية شيء يشكل علي في الاستضافة، ومرات يعلموني أشياء في الاستضافة وإدارة المواقع دون ما أطلبها منهم.. وفوق كذا بعض المرات يساعدوني في خدمات ما لها علاقة بالدعم الفني. على سبيل المثال: ركبوا مرة سكربت ما لهم علاقة فيه..
وأزيدك من الشعر بيت، مستضيف عندهم أكثر من موقع ..
وأذكر مرة طلبت منهم يغلقون السيف مود، ورفضوا علشان فيه ضرر على المواقع اللي على السيرفر، واعتذروا لي أنهم ما سبق وفتحوه لأحد، وليس من سياستهم أنهم يفتحونه.. وبعدين قلت لهم عن موقعي فقط، لمدة محددة من الوقت، علشان أركب بعض الأشياء. وجزاهم الله خير والله، ما قصروا، وفتحوا لي السيف مود. لا وكل مرة أطلب منهم، يفتحونه لي، ويتعاونون معي.. وحصل لي هذا الموقف معاهم أكثر من مرة. لا ومرة فتحوه لي دون ما أطلبه منهم، وقالوا لي اشتغل في الموقع، ولما تخلص قول لنا علشان نرجع نقفله.
لكن المشكلة عندهم بشيء واحد تقريباً: الأسعار.. يعني الدومين بغيرهم تلاقيه بخمسين وأقل، وعندهم بمية..
والاستضافة ما عندهم باندويث مفتوح.. ولا عندهم استضافة ويندوز..
لكن عن استضافة اللينكس، بصراحة الموقع معاهم شغال زي الفل..
وأقول هذا الشيء اعتراف بالخدمة اللي قدموها لي..
صحيح في حاجات تنرفزت منها، وللآن ما حصلت لها حل (وهذي خلها بيني وبينهم)، لكن عموماً خدماتهم تغريني دائماً أني ما أغيرهم..

حييت ..

امم ، الدعم الفني باب آخر ، مع أن الكثير من الاستضافات العربية تكثر الشكاوي على دعمهم .
لكن أسعارهم ( نار ) .. جدا .
بحثت عن الاستضافة التي تفضلت بها ، تقدم قريب 150 جيجا مساحة و باندوث 400 جيجا بـ 4000 ريال سنويا .
الاستضافة مثلا التي أستخدمها ، تقدم 300 جيجا مساحة و 3000 جيجا باندوث بـ 312 ريال سنويا . و لا حتى الربع .و فيه استضافات أخرى تقدم الكثري من العروض ، مثلا سنة مجانا مع أسعار مقبولة و غيره .

و عادة ، الدعم الفني لديهم لا يعلى عليه .

وفقك الله .