اكتر حاجه ممكن تضر موقع ووردبريس هى الاعتماد على اضافات كتير بدون داعى. الموضوع بيتعلق بسرعه الموقع و كمان بيسبب مشاكل فى التوافق.
انا مثلا بقيت اراجع الاضافات اللى بستخدمها بشكل دورى وأسأل نفسى
- هل الاضافة دى ضرورية؟
- مفيش طريقة اعمل الوظيفة دى بدونها؟
- الاضافة دى موثوقه ومحدثة باستمرار؟
واحيانا بشوف مواقع عندها 30 او 40 اضافة وفى حاجات منهم بتعمل نفس الوظيفة تقريبا. طبعا ده مش بس خطر لكنه كمان بيصعب عليك ادارة الموقع لو حصلت مشكلة.
رأيى؟ كل اضافة لازم يكون ليها هدف واضح ومش متكررة ولو مش ضرورية 100% يفضل متستخدمهاش.
رأيكم اى؟ هل عندكم قواعد معينة بتتبعوها لما تيجوا تنزلوا اضافات؟وكام اضافة شايفينها مناسبة لأى موقع؟ شاركونا تجاربكم
